जनतेची कैफियत
जनतेची कैफियत
काका असो वा पुतण्या
आम्हाला काही फरक नाही
आमची रोज मरा जिंदगी
त्यात काही फरक नाही
बोकाळलेला भ्रष्टाचार
टेबलाखालून द्यायच्या नोटा
कष्टाच्या कमाईला
फुटल्यात अनेक वाटा
खड्ड्यात रस्ते
का रस्त्यात खड्डे
कळतच नाही आम्हाला
जीव मुठीत धरून
जातो आम्ही कामाला
धो धो पाऊस, उघडे मॅन होल
उघडी गटारे, नाले तुंबलेले
मरणाची जिवघेणी ट्राफिक
आमचे जीवन त्यात थांबलेले
शेतकरी कष्टकरी
यांची हालत सुधारणार नाही
राव चढले पंत पडले
काही फरक पडणार नाही