लाइब्रेरी
प्रोफाइल
माकडाची फजिती
माकडाची फजिती
1 min
867
एक सुंदर माकड
जंगलात रहायचे
झाडावर बसायचे
हूप हूप करायचे
रोज रोज कानी येई
माकडाचे हूप हूप
गावातल्या लेकरांना
त्याची मजा वाटे खूप
रान सोडून एकदा
आली गावामध्ये स्वारी
त्याच्या भोवती जमली
गावातली मुले सारी
होते प्रत्येका जवळ
मूठ भर शेंगदाणे
खाताखाता गात होते
आनंदाचे गोड गाणे
सारा प्रकार पाहिला
पाणी सुटले तोंडाला
खायासाठी शेंगदाणे
हवे होते माकडाला
उड्या मारत माकड
झाडाखाली उतरले
मुले क्षणात पळाली
कुत्रे धावतच आले
कुत्रे भुंकाया लागले
त्याची धांदल उडाली
शेंगदाणे खाण्यापायी
सारी फजितीच झाली
