नदी

ही खळखळ वाहे नदी तक्रार कधी ना करते ।

किती दूषित केले तरी ना राग कुणाचा धरते ।।

ती वाहत राही नेहमी ठावे न थांबणे तिजला ।

ती कधीच पहात नाही भूप्रदेश कितीसा भिजला ।।

साऱ्या मुलखाची घाण स्वतःच्या सोबत नेते ।

परी प्रेमे सर्वांच्या साठी निर्मळ पाणी ती देते ।।

वाहणे नित्य नेमाने हाच तो नदीचा धर्म ।

ना मुखातून ती वदते केलेले कोणते कर्म ।।

हे तिच्या कडून शिकावे, ना व्यर्थ कधी बोलावे ।

आपुल्या कर्मयोगाने, संतुष्ट इतरांना करावे ।।