पहिला स्पर्श

बालपण-

नुकत्याच जन्मलेल्या बाळाचा

उराशी बिलगलेल्या त्या चिमुकल्या ओठांचा

बोबड्या आवाजात पापा घेण्याचा

घट्ट मिठीत आपल्यालाच कवेत घेण्याचा

तारुण्य-

कुठल्यातरी कारणास्तव प्रथमच हात मिळवल्याचा

तर कधी चुकून अथवा जाणूनबुजून स्पर्श झाल्याचा

एखाद्या भेटीत प्रथमच हातात हात मिळवत चालण्याचा

आयुष्यभर साथ देईन म्हणून दिलेल्या सांत्वनाचा

लग्न-बेडी-

त्या पहिल्या हळुवार आणि नाजुक चुंबनाचा

सकाळी तिच्या ओल्या केसांच्या वेगळ्याच सुगंधाचा

दिवसभराच्या सर्व कामानंतर एकत्र एका विसाव्यात बसल्याचा

कुटुंब सांभाळताना क्षणिक दुःखाचा, अमर्याद आनंदाचा

उतारवय-

नुकत्याच सुरकुत्या पडत चाललेल्या त्या बदलाचा

सावरण्यासाठी हातात पडलेल्या आधाराचा

शेवटाला फक्त उरलेल्या बंद आठवणींचा

आणि ज्योत मावळून गेलेल्या त्या देहाचा