लाइब्रेरी
प्रोफाइल
एक श्रावण असा यावा............
एक श्रावण असा यावा............
1 min
352
एक श्रावण असा यावा
आयुष्याचा उत्सव व्हावा
वारा चहू दिशांतून
घन झरझर देहभर पाझरावा
रिक्त रिक्त तन वसुंधरेचे
तटिनीसवे तृप्तीचा मेघ झरावा
एक श्रावण असा यावा
आयुष्याचा उत्सव व्हावा
नभ गात्रांतून अनंत चपला
धमन्यातून सळसळत पसराव्या
अर्धोन्मेलीत नेत्रांनी मग
पियुषरस आकंठ प्यावा
एक श्रावण असा यावा
आयुष्याचा उत्सव व्हावा
पांघरता मेघस्पर्शाची मखमल
अधीर अधीर आसमंत व्हावा
लज्जित जराशी धरा जाहता
कणाकणाने प्रणय राग गावा
एक श्रावण असा यावा
आयुष्याचा उत्सव व्हावा
उचंबळूनी येई हृदय नभाचे
धरित्रीच्या कुशीत ओलावा
मंद धुंद हे पिठूर चांदणे
सृजनाचा प्रेमांकुर फुलावा
एक श्रावण असा यावा
आयुष्याचा उत्सव व्हावा
एक श्रावण असा यावा
आयुष्याचा उत्सव व्हावा..
