पाळणाघर
पाळणाघर
1 min
388
जाऊ नको थांब ना
दोन इवल्या हातांनी मिठी मारली
डोळ्यांत साचले दाट धुके
वाट माझी पावलात अडखळली
सोडून जाता तुला
मुके शब्द सारे होती
वेदना अंतरातल्या मम
नेत्रांतून हलकेच पाझरती
मनात वेडी आशा
पाऊल ओलांडे उंबरा
कष्टप्रद वाट ही खरी परी
करील तव भविष्याकाल साजिरा
तुला सोडताना पाळणाघरात,
माझी व्यथा डोळ्यांतून सांडली
मम मनाची करूण यातना
का असेल तुला आकळली....