शोधु माणूस कुठीसा ?

⭕⭕⭕🔹🔹⭕⭕⭕

शोधू माणूस कुठीसा ?

फिरलो दाही दिशांनी

भेटले आकाश फाटलेले

सिमा ओलांडू कसा मी?

इथे गावही वाटलेले ~१

पाहिला अजाण पणाने

निळा समुद्र तोही

माशांशी गट्टी केली

ठरविली जात माझी भोई~२

सांडलेले रक्त माझे

त्याचाही गंध आला

माझा शेजारचा रस्ता

तोही आता बंद झाला ~३

दिसले भिंतीवर दुभंगलेल्या

माणूसपण माठलेले

अश्रूही भिन्न दिसले

डोळ्यात साठलेले ~४

रंग मुखोट्यांना इथे

वेगवेगळे फासलेले

शोधू माणूस कुठीसा?

आहे सगळेच बाटलेले ~५