लाइब्रेरी
प्रोफाइल
कृपासिंधू माय
कृपासिंधू माय
1 min
408
कृपासिंधू अनाथांची माता
सेवाभाव निरंतर मनी
वंदन भावे त्रिवार माते
कीर्ती पसरली त्रिभुवनी (१)
खडतर जीवन माय तुझे
परि राखेतून उठलीस
उंच आकाशी झेप घेऊनी
अनाथांची माऊली झालीस (२)
अनाथ अभागी बालकांना
तूच माया ममता दिधली
कृपाछत्र तयांना देऊनी
तयांची जीवने उद्धरली (३)
आधारवड तू अनाथांचा
तयांना दिधले नवजीवन
हाल कष्ट सोसूनी जीवनी
लाविलेस सार्थकी जीवन (४)
असा कसा रे निर्घृण काळा
अनाथांची हरपली माय
कृपाछत्र ओढले तयांचे
बालके रडली धाय धाय (५)
