संसाराचा रथ

  काव्यप्रकार अभंग रचना ६/६/६/४ 

संसाराचा रथ / चाके पतीपत्नी दोघेही मिळूनी / सारथ्यासी // (१)

 नवतीचे दिन / भिजती प्रेमात कौतुक मनात / सर्वांचिया // (२)

 नव्या नवरीला / नसे अनुभव शब्दांचे लाघव / जाण मनी //(३)
 
रथ धावे वेगे / चौखूर उधळे मस्तीत नकळे / दोघांनाही //(४)
 
नवलाई जाता / वास्तव सृष्टीत रोपटे भूमीत / नव्या रुजे //(५)
 
संसार आगर / विविध रसांचे /प्रेम फलिताचे / गुंजारव //
(६)
 संसार प्रेमाचा / फळे लगडता लज्जत वर्धता / बहरतो //(७)

 मर्म संसाराचे / चातुर्ये जाणावे संयमी रहावे / नित्य मनी //(८)

 संकटे सामोरी / वेगास मर्यादा देवावरी श्रद्धा / मनोभावे //(९)

 गतीमान रथ / हात घेती हाती समाधानी वृत्ती / हर्ष मनी //(१०)

 मर्म संसाराचे / चाणाक्ष जाणती यथायोग्य गती / पैलतीरी // (११) ........................................  ..
 सौ. मनीषा आवेकर.
फोन 9763706200...................................