जीवनाचे पुस्तक

  जीवनाचे पुस्तक कोरे , जन्मतःच हाती येते.
 रेखितो त्यावरी अक्षरे , मानव आपुल्या हाते (1)

 बालपणीचा काळ सुखाचा , धमाल सखयांसवे
पेरु आवळे चिंचा बोरे चिमणचोचीने खावे (2)

 यौवनातले बहर हिरवे , मोरपिशी जीवनी प्रेमाचे कवाड खुलते , इंद्रधनू रेखूनी (3)

 कर्तृत्वाच्या रेखा खुलविती यशोमय कीर्तीला
स्थान जगी उंचावती अथक यत्नमाला (4)

 आयुष्यातील सुखदुःखांची , नोंद असे मानसी
कठीण प्रसंगी हात देती त्यासी तू जाणसी (5)

 संध्याछाया खुणाविती , ईश्वर चिंतन मनी पैलतीर दिसे नयनी , सार्थकता जीवनी (6)

 कुणा न माहित कधी , पान शेवटले येतसे जगन्नियंत्या हाती दोरी विधाताच जाणतसे (7) ..........................

 सौ. मनीषा आवेकर फोन 9763706200 ...................................