"शब्दांची ओंजळ"
"शब्दांची ओंजळ"
मनातील भावना एकवटूनी,
भरली शब्दांची ओंजळ |
त्याच शब्दांनी दिधले मजला,
काव्य रचिण्या बळ ||१||
त्या ओंजळीतले शब्दाचे मोती,
तुमच्याच मनीचा ठाव घेती |
लहान थोर आई वा बाबा ,
जणू सारेच तुम्हासवे बोलती ||२||
रवि, शशी, नभ अन् खग सारे ,
तव अंतरीचे मज भाव सांगती |
देऊनी त्यास मग रुप शब्दांचे ,
अलगद ठेविले ओंजळीत ते मोती ||३||
प्रेम, दुःश्वास,स्वार्थ, निःस्वार्थ ,
सर्वांना वेचुनि माळ मी विणली |
काव्याची झालर लावुनी त्याला ,
ओंजळीत माझ्या ठेविली ||४||
ह्या माळेतील प्रत्येक मोती,
मम अंतरीचे भाव बोलती |
तुमचेही मन बोलेल कदाचितं ,
उघडले जर ओंजळीतले मोती ||५||