मी अनुभवलेला पाऊस

कोसळले अस्मानी संकट

सारे जलमय झाले

निसर्गा पुढती माणूस छोटा

हेच आज सिद्ध झाले

जात - पात अन् धार्मिक तंटे

मिटवुनी क्षणात गेले

कुणी ना मोठा कुणी ना छोटा

सारेच वाहून गेले

वाहून गेली किती चिमुकली

किती माणसे बेपत्ता झाली

मृतदेहाचा खच पाहुनी

सारे आज हवालदिल झाली

उन्मळून पडल्या वृक्षवेली

अन् घरेही वाहून गेली

जनावरास मग कैसा थारा

ती पुरात वाहून गेली

घरे बुडाली पिके बुडाली

निवाऱ्यास नाही काही

पाणीचपाणी चहूकडे

परि पिण्यास पाणी नाही

माणुसकी हाच धर्म आपला

माणसा जाणून घेरे काही

जिवाची पर्वा न करता

फक्त जवान धावून जाई

महाभयंकर संकट आले 

आज माणूस हतबल होई

निसर्गाचा कोप असे हा

निसर्ग देई आणिक घेई