अपूर्ण राहिली
अपूर्ण राहिली
अपूर्ण राहिली किती स्वप्ने
ठेवली होती जपून
डायरीच्या पानावर होती
राहीली सा-यांपासून लपून
कधी वाटे राग स्वतःचा
कधी येई किव जराशी
तरीही वाटे आपलेपणा
डायरी असे मात्र उराशी
चितारलेल्या स्वप्नाला
का नसे गती माझ्यामुळे
कणा मोडून पडल्याने
का जहाज पडले माझे लुळे
कितीदा चुरगाळले स्वप्न
तरीही आशा नेहमी वाटते
एक कवडसा विश्वासाचा
तरीही हळवे मन दाटते