लाइब्रेरी
प्रोफाइल
माहेरचे दैवत...
माहेरचे दैवत...
1 min
353
माय बापाविन माहेर
देवाशिवाय देवघर
लागे जीवा हुरहुर
येई दाटुनी गं ऊर
पाय ठेवता दारात
वाटे माय येईल धावत
पाठीवरुनी प्रेमाने
तिचा फिरेल गं हात
बाप बघेल कौतुक
डोळ्यातील आसू लपवीत
माय बापाविन माहेरी
जीव नाही गं लागत
क्षणभर ते दिस
येतील का परत
हळूच शिरेन मी
माय बापाच्या कुशीत
त्यांच्या प्रेमाची सर
नाही कशालाही येत
तेच तर दोघे होते
माझे माहेरचे दैवत
