યમરાજા

થરથર ધ્રૂજે જેના નામથી ભૂતળ પર ભૂપતિ 

કેવાં હશે ધર્મપત્ની જેનાથી ડરે એ યમપતિ ?

કેટલાં પાડા રાખતાં હશે રોજ યમ દોડતાં ? 

હશે કઠોર દિલ પીગળે નહીં દેખીને રડતાં ! 

મૃતક ડીલ નીચે મૂકી ઉપર જવાનો રિવાજ 

પાડાનાં ખરચથી શાને નથી આવતા વાજ ?

ભૂત, પ્રેત, પલિત, જિન ચુડેલ વળી મામો 

યમ કેમ ઉપાડતો નથી માલ સાવ નકામો ?  

રોતાં શ્વાનને દેખાય જમડા આવતાં રાતનાં 

લેવા કોણ આવે મોતે જાણકાર આ વાતનાં ? 

નાની અમથી કીડી માટે લાવતા મોટો પાડો 

પડે સસ્તું રાખે એકાદ દુકાનદાર અહીં આડો 

ને હાથીનો વજન કેમ ખમતો હશે આ પાડો ?

પડતો નહીં હોય જોઈ અમદાવાદ રસ્તે ખાડો ? 

થરથર ધ્રૂજે જેના નામથી ભૂતળ પર ભૂપતિ 

યમ શ્રીમતિને જાણે તો સીધો કરે એનો પતિ.