તું મારા બંને હાથમાં સમાઈ જા

ઓય પુસ્તક ! મારા હાથમાં તુંં આવ,

મારે વાર્તા વાંચવી છે, મારા હાથમાં તુંં આવ,

મારાથી ઊડીને દૂર ન જા,

તુંં મારા બંને હાથમાં સમાઈ જા;

દિવસ દરમિયાન ભલે હું વાંચું મોબાઇલમાં,

પણ વિચારું છું હું કે .....

હું ખોવાઈ જાઉં ક્યાંક પુસ્તકોના શહેરમાં,

જ્ઞાન ફેલાયેલું હું સહેજ સમાવી લઉ;

ચલ મારા હાથમાં.....

તને મારી સહેલી બનાવી લઉ;

આમ, ઊડીને દૂર ન જા,

તું મારા બંને હાથમાં સમાઈ જા;

મને ગમે છે તારી અંદરના પાનાં,

પાનાંમાં કરેલા રંગબેરંગી ચિત્રો,

ચિત્રોની નીચે લખાયેલી પંક્તિ,

વાંચીને બની જાય છે એ મારા મનની સ્મૃતિ !

ઓય પુસ્તક ! મારા હાથમાં તો આવ,

મારે વાર્તાઓ વંચાવી ને મજા તો કરાવ,

મારાથી ઊડીને દૂર ન જા,

તું મારા બંને હાથમાં સમાઈ જા.