થોડું આકાશ મળે

કાશ કે મને ઉડવાને થોડુ આકાશ મળે,

પાંખ મારી ફેલાવા થોડો મને અવકાશ મળે,

ફફડી લીધું ઘણુંજ આ પીંજરાની અંદર,

મને પણ ઉડવા ઈશ્વર તારું ગગન મળે.

ખાઈ લીધા બત્રીસ પકવાન ઘણા અહીં,

વહેલી સવારે મને પણ દાણા ચણવાને મળે,

પીધુ પાણી નળ તણું ઘણું પણ,

મને પર્વત પરથી વહેતા ઝરણાંનુ થોડુ જલ મળે.

રોજ મનાવું મારા મન ને હું કે કાલે,

ઉડવાને કાજે કોઈ પાંજરું ખુલ્લું કરે,

પણ રોજ મને ખાલી આ બારીમાંથી

દેખાય એટલું જ કેમ ગગન મળે !