શમી જઈશું..

જિંદગી આ મળી જ છે તો જીવી જઈશું,

બનશું મોટા માણસ, નહિં તો કવિ થઈશું ..

ન મળે વાચક ન મળે પ્રશંસા તોય ચાલશે,

ન ગમ્યા કોઈને પણ ખુદને તો ગમી જઈશું,

સર ઉઠાવીને ચાલવાની આદત છે અમને,

પણ સત્ય સનાતનની પાસે નમી જઈશું,

રમત રમાડે કુદરત કે કહો એ ઉપરવાળો,

બાજી દિલોજાનથી અમે રમી જઈશું,

બે ભાગમાં વહેંચાયેલી છે જિંદગી 'સ્તબ્ધ'

કદી એ મને જીવે કદી અમે જીવી જઈશું,...

ને આખરી અંજામ પણ અજાણ્યો નથી,

આગ બની સળગશું ને રાખ બની શમી જઈશું.