જોજોને

ફરી આનંદ અને ઉલ્લાસ આવશે, જોજોને !

ને લોકોના શ્વાસમાં શ્વાસ આવશે, જોજોને !

વીખાશે કાળા વાદળો આ દુનિયા પરથી,

અને ફરી નવો ઉજાસ આવશે, જોજોને !

આ રાક્ષસ જે નીકળ્યો છે ખાવા જગતને,

હવે એનો પણ વિનાશ આવશે, જોજોને !

ઊતરી જશે વાઘા બધેબધા નકામા,

માણસાઈને નવો લીબાસ આવશે, જોજોને !

લખાયેલું હશે એ જ થઈ રહ્યું અહીં પર,

ભાવિ બની ઈતિહાસ આવશે, જોજોને !

શીખશે નવું કંઈ હવે 'સ્તબ્ધ' માણસ,

અને નવું કંઈક ખાસ આવશે, જોજોને !