તે કોણ છે જે મને ડરાવે છે

રસ્તે રસ્તે તો મારા મૃત્યુ ચાલે છે 

તે કોણ છે ? જે મને ડરાવે છે,

માનવી હું, રણમાં મળે પાણી ક્યારેક જેવો

જેવો તેવો તો નથી બધે મળી જાય એવો,

ઘરની બહાર નીકળે તો ખબર પડે 

નહીંતર તો ઘરમાં બસ ઊંઘ જ ચડે,

અનુભવી બનવું તે જ મોટી વાત કહેવાય 

વગર અનુભવ વગર માનવી તને શું કામ દેવાય,

પોતાના પોતાના કહીને તો રાજદીપ ક્યારેય ન જીવાય 

જો જીવાય તો પછી બધું જ અંતે મારું ન કહેવાય,

પૈસો પૈસો કરી ઘમંડમાં બધું જ હરાવે છે 

પૈસો વેરવિખેર કરી સંબંધ જ બગાડે છે,

હું એકલો તો નથી હું તો મારી સાથે હંમેશા રહું છું 

મારી એકલતા જ મને સાથ આપે પછી એકલો ક્યાં હું ?

રસ્તે રસ્તે તો મારા મૃત્યુ ચાલે છે 

તે કોણ છે, જે મને ડરાવે છે.