થોડું

થોડું તને આવડ્યું 

થોડું મને આવડ્યું

લે, આતો કેટલું આવડી ગયું !

થોડું તે શીખવાડ્યું

થોડું મેં શીખવાડ્યું

લે, આતો તેને ઘણું આવડી ગયું !

થોડું તે કામ કર્યું 

થોડું થોડું મેં કર્યું 

લે, આતો કેટલું વહેલા પૂરું થઈ ગયું !

થોડું તે સમજાવ્યું 

થોડું મેં સમજાવ્યું 

લે, તે તો ઘણું બધું સમજી ગયું !

થોડો તે ધક્કો માર્યો 

થોડો મેં ધક્કો માર્યો 

લે, આતો ઘણું આગળ પહોંચી ગયું !

થોડો તે રંગ છાંટયો

થોડો મેં રંગ છાંટયો

લે, આતો આપણા વચ્ચે ગઠબંધન બંધાઈ ગયું !