સંતાનને ભૂલીશ નહિ

ભૂલીશ ભલે બીજું બધું, સંતાનને ભૂલીશ નહિ;

અગણિત છે ફરજો મારી, એને વિસરીશ નહિ,

છોડ એ મારા, એના પર ગુસ્સો કરીશ નહિ,

સંતાનને ઘડવાની આજ્ઞા,આપી મને ઈશ્વરે;

સંતાનનાં ઘડતરમાં ખામી, કોઈ દિન રાખીશ નહિ,

છોડ એ મારા, જેમ વાળીશ એમ વળશે એ વાત ભૂલીશ નહિ,

સંસ્કાર સારા જિંદગીમાં, મારા સિંચાયેલા છે;

સંતાનમાં એ સીંચવાનું, કદી વિસરીશ નહિ,

છોડ એ મારા, ક્રોધમાં સિંચન કરીશ નહિ,

હોવું ભલે અલ્પ નોકરિયાત કે અલ્પશિક્ષિત હું;

સંતાનનાં શિક્ષણ મહીં, પાછો કદી પડીશ નહિ,

છોડ એ મારા, ઉચ્ચશિક્ષિત થતાં રોકીશ નહિ,

જે આપીશ એ પામીશ, જેવો રહીશ તેવા થશે;

જેવા ઘડીશ એવા ઘડાશે, જેવા વાળીશ એવા વળશે,

છોડ એ મારા, વાત એ વિસરીશ નહિ,

ગુણમાં મારાથી સવાયા, નામ એ અમ રાખશે;

ઘડપણ મહીં થાશે સહારો, વાત એ વિસરીશ નહિ,

છોડ એ મારા, મોટા થઈ આપશે મીઠા ફળ એ સ્વાદ  લેવો હું ભૂલીશ નહિ,

પ્રેમ આપવો સંતાનને, ફરજ છે પિતાની;

દેન છે ઈશ્વર તણી, જતન કરવું ભૂલીશ નહિ,

છોડ એ મારા, અશ્રુ એના આંખમાં લાવીશ નહિ,

સંતાનનું સુખ સૌથી મોટું, દુઃખ પણ સંતાનથી;

શાંતિ માટે જીવનમાં, સંતાનને ભૂલીશ નહિ,

છોડ એ મારા, પિતા એનો હું, એ વાત વિસરીશ નહિ,

ભૂલીશ ભલે બીજું બધું, સંતાનને ભૂલીશ નહિ.