પહેલું ફૂલ

પ્રથમ પ્રેમનું પહેલું ફૂલ લીધાનું મને ભુલાતું નથી,

ના જાણે તમને કેમ એ દીધાનું યાદ આવતું નથી.

આ ફૂલની સુગંધ મારા રોમરોમમાં છવાઈ ગઈ,

ના જાણે તમારા મનમાંથી કેમ એ વિસરાઇ ગઇ.

પ્રેમભરી વાતો કીધાનું મારા દિલમાં રહી ગયું,

ના જાણે તમારી સ્મૃતિમાંથી કેમ ભૂલાઇ ગયું.

ગુલાબ ફૂલની લાલી મારા ગુલાબી ગાલે આવી,

ના સમજાયું મને તમારી નજરે કેમ એ ના આવી.

વિરહમાં તમારા આ પાપણે મારા અશ્રુ દીઠા,

ના જાણે તમારી કઠોર નજરોએ એ ના દીઠા.