મારી ગુજરાતી

હું ગુજરાતી, મને વ્હાલી લાગે મારી ગુજરાતી;

ફૂલે ફૂલે અટકું છું,કાંટે કાંટે ભટકું છું;

ફૂલ ને ફોરમની વચ્ચે, મારી ગુજરાતીને શોધું છું.

મને વ્હાલી...

જન્મ મારો મહારાષ્ટ્રમાં, લગ્ન મારા મહારાષ્ટ્રમાં;

મહારાષ્ટ્રિયનની વચ્ચે, મારી ગુજરાતીને શોધું છું.

મને વ્હાલી...

ભણતર મારું અંગ્રેજીમાં, ચણતર મારું હિંદીમાં;

બધી ભાષાઓની વચ્ચે, મારી ગુજરાતીને શોધું છું.

મને વ્હાલી...

સગા સંબંધી મારા ગુજરાતી, સંપર્ક મારો મરાઠી;

સ્નેહીઓની વચ્ચે, મારી ગુજરાતીને શોધું છું.

મને વ્હાલી...

ના આવડે મને બહુ સારું ગુજરાતી, પ્રયત્ન કરું હું શિખવા સારું ગુજરાતી;

લખતાં, વાંચતા, વેલડીઓ વચ્ચે, મારી ગુજરાતીને શોધું છું.

હું ગુજરાતી, મને વ્હાલી લાગે મારી ગુજરાતી.