લાઈબ્રેરી
પ્રોફાઈલ
ગોરી તારા રાજમાં
ગોરી તારા રાજમાં
1 min
599
જ્વલે જ પારો ઊંચે ચડે ગોરી તારા રાજમાં,
બાકી તો રોજ નીચે પડે ગોરી તારા રાજમાં.
ચળ ઊપડતી જાણે રોજ તારા હાથમાં,
વેલણને મુશ્કેલી નડે ગોરી તારા રાજમાં.
અહીંની વહેતી હવા હોય જાણે અશ્રુવાયુ,
હર આંખે આંસુ દદડે ગોરી તારા રાજમાં.
અંતરની આગ બહાર કાઢી ન શકે કોઈ,
ઘરોઘર ઠામ ખખડે ગોરી તારા રાજમાં.
‘સાગર’ આ ગોરીને કોણ જઈને સમજાવે ?
નશા વગર પગ લથડે ગોરી તારા રાજમાં.
