ચિંતા

ચિંતા તો આવે-જાય, આપણે શું લેવાદેવા,

બસ, આનંદથી જીવવા, પાડવા એના હેવા.

એતો કદી અહીં હોય, તો કદી હોય ત્યાં,

મનને મૂંઝારો ચડે, એ હોય જ્યાં;

તેથી ડરી જાય દિલના જેવા-તેવા,

ચિંતા તો આવે-જાય, આપણે શું લેવાદેવા !

નબળા મનવાળા પાસે સદા એનો વાસ,

એટલે ત્યાં પેસારો કરવા રહે તૈયાર ખાસ;

કદી ન ખસે, જ્યાં થાય એની સેવા,

ચિંતા તો આવે-જાય, આપણે શું લેવાદેવા !

એટલે તો કહું છું, મૂકો એને તડકે,

નજીક ન આવે કે ન કદી અડકે,

આનંદથી ઝૂમો, મોજથી રહેવા,

ચિંતા તો આવે-જાય, આપણે શું લેવાદેવા !