ડિયર જિંદગી

ક્ષણો અને પળો તો સૌને મળ્યા છે સરખા;

કોઈ જીવ બાળે ને કોઈ અજવાળે છે જિંદગી..!

પડીને પોતે ઊભા થવાની બસ હિંમત જોઈએ;

ધક્કો મારીને જ તો તને ઉઠાડે છે જિંદગી..!

તારી આ જંગમાં બસ તું જ છે સથવારો તારો;

હાર જો ન માને તો ખુદ જીતાડે છે જિંદગી..!

જાગીને જો તો હકીકત છે ઘણી વરવી;

છતાં કેટલાય મધુર સ્વપ્ન દેખાડે છે જિંદગી.!

ઊડે ભલે ઊંચે આકાશમાં રાખજે પગ ધરા પર;

પહોંચાડી ઊંચા શિખરે, નીચે પાડે છે જિંદગી.!

ગુમાનમાં તું કદી તારૂં સ્વમાન ના ખોઈ બેસજે;

રાજા હોય કે રંક, સાચું સ્થાન બતાવે છે જિંદગી.!

મોતને મળીને જીવતાં શીખવાડી દીધું;

જોઈએ હવે કેટલા પળ જીવાડે છે જિંદગી.!