ભેટ ઈશ્વરની પાણી

ખળખળ વહેતાં નીર, જાણે જીવનની સરવાણી. 

જોઈ વિચારી હવે વાપરીએ, પાણી અને વાણી 

હૃદય પણ છલકાવે, કદીક ભીતરથી ખારાં પાણી

પ્યાસ બુઝાવે શરીરની, આ વહેતાં નિર્મળ પાણી.. 

જોઈ વિચારી હવે વાપરીએ, પાણી અને વાણી..... 

પ્રદૂષણથી જરા સાચવીએ, તો માનવ માટે લાભકારી 

બગાડે માનવ જો પાણી, માનવ માટે જ નુકશાનકારી 

જોઈ વિચારી હવે વાપરીએ, પાણી અને વાણી,

ભિન્ન ગુણો પાણીના, ક્યાંક શૌર્યવંત ક્યાંક શાંત પાણી.

મહત્વતા પાણીની, ભાવથી નમીને પીનાર શૂરવીરે જ જાણી 

જોઈ વિચારી હવે વાપરીએ, પાણી અને વાણી,

દુકાળે જ કિંમત જળની, સાચી માનવને સમજાણી 

ટીંપા માટે તડપતાં માનવી, જોયાં છતાં બગાડે સહુ પાણી  

જોઈ વિચારી હવે વાપરીએ, પાણી અને વાણી,

જાગો જગતનાં માનવી, સાચવીએ અમૂલખ ખજાનો પાણી 

'રાજ ' પરમ સ્નેહી બની સાચવીએ, ભેટ ઈશ્વરની પાણી 

જોઈ વિચારી હવે વાપરીએ, પાણી અને વાણી 

ખળખળ વહેતાં નીર, જાણે જીવનની સરવાણી.