હનીમૂન
હનીમૂન
વર-કન્યાનું એકાએક જ
ઉતાવળમાં લગ્ન થઈ ગયું
લગ્ન થતાની સાથે જ કપલ
ઘરસંસારમાં મગ્ન થઈ ગયું
અચાનક એમને યાદ આવ્યું
અરે ! હનીમૂન જવાનું તો રહી ગયું !
પતિ રુટીન કામે ચઢ્યો
પત્ની ઘરકામમાં વ્યસ્ત થઈ
એકાંત રાત્રે મળતી ગઈ
મનની વાતો ત્યારે થતી ગઈ
ઘોડિયા બંધાવવાની ખબરથી
પરિવાર આખુ ઝુમી ઉઠ્યું
એટલામાં બન્નેને યાદ આવ્યું
અરે ! હનીમૂન જવાનું તો રહી ગયું !
બાળક પણ જન્મી ગયું
રોતા બાળકને શાંત કરવામાં
કપલ ઉજાગરા કરતું ગયું
વળી પત્નીનું પણ ધ્યાન પણ
પતિ-બાળકમાં વહેંચાઈ ગયું
પણ અચાનક જ યાદ આવ્યું
અરે ! હનીમૂન જવાનું તો રહી ગયું !
બાળક થોડુંક મોટું થયું
બીજુ બાળક પણ જન્મી ગયું
બન્ને બાળકોને ઉછેરવામાં
કપલનું ધ્યાન વહેંચાઈ ગયું
વચ્ચે વચ્ચે યાદ આવતું રહ્યું
અરે ! હનીમૂન જવાનું તો રહી ગયું !
જોતજોતા બાળકો મોટા થયા
ભણતર પર પુરા થયાં
બાળકોનાં પણ લગ્ન થઈ ગયા
નવપરણિત એ દરેક કપલ
હનીમૂન માટે જતુ રહ્યું
જુના કપલને ત્યારે યાદ આવ્યું
અરે ! હનીમૂન જવાનું તો રહી ગયું !
એ જ કપલની ઉમરનું બીજુ કપલ
સેકંડ હનીમૂન કરીને પાછું આવી ગયું
કરી પસ્તાવો એ કપલની આંખેથી
અશ્રુંનું ઝરણુ ખળખળ વહેતું થયું
કારણ કે એમને ત્યારે યાદ આવ્યું
અરે ! પહેલા હનીમૂન પર જવાનું રહી ગયું !