ચુંબક કે ગુરુત્વાકર્ષણ

સમજાતું નથી શું કહું એમના રંગરૂપને ?

ગુરુત્વાકર્ષણ બળ કે ચુંબકીય શક્તિ ?

મહાસાગરોમાં ભરતી-ઓટનું કારણ શું ?

ચાંદનું ગુરુત્વાકર્ષણ બળ કે ચુંબકીય શક્તિ ?

કોઈ ચુંબકીય શક્તિ છે એમના રૂપમાં

આ પોલાદ જેવું મન આકર્ષાઈ રહ્યું છે,

ચાંદસમી આંખોમાં ગુરુત્વાકર્ષણ બળ છે

મનસાગરમાં ભરતી-ઓટ આવી રહી છે,

કેટલી ઊંડાઈ હશે કજરારી આંખોમાં !

પથ્થરસમું મન જાણે ડૂબવાને આતૂર છે,

એમનાં નૈનસાગર અને મુજ મનસાગરનું,

ક્યાંક ક્ષિતજ રેખા પર મિલન થઈ રહ્યું છે.