સ્વર્ગનું લાઈવ રેકોર્ડિંગ
સ્વર્ગનું લાઈવ રેકોર્ડિંગ
સ્વર્ગની સહુ ગતિવિધિઓને રેકોર્ડ કરશે કોણ ?
રેકોર્ડ કરીને પાછું ધરતી પર, કહો, ફરશે કોણ ?
કેવી રીતે રાજી કરીશું કોઈને ત્યાં જવા માટે ?
જીવન ત્યજી આ કામ માટે કહો મરશે કોણ ?
અહીંના કાર્યો માંડ થાય છે વિનંતીઓ કરી કરીને,
ત્યાં જવા માટે કોઈ આગળ, હવે કરગરશે કોણ ?
ભાડેથી મળી તો જશે રેકોર્ડિંગ માટેના સૌ સાધનો
પણ લાખો કરોડોનું હશે ભાડું, એ ભરશે કોણ ?
લિફ્ટમાં અવરજવર કરતા થઈ ગયા છીએ બધા
વજન લઈને સ્વર્ગની લાખો સીડીઓ ચડશે કોણ ?
પાર કરવાની હોય વૈતરણી નદી સ્વર્ગ જવા માટે
ગાયની પૂંછડી ઝાલીને વૈતરણીમાં તરશે કોણ ?
આદેશ આપવો સહુને ગમે અહીં પણ લેવો.. ?
તો પછી ત્યાં મળતા આદેશોને આદરશે કોણ ?
જેવી રીતે બિલાડીના ગળે ઘંટડી બાંધશે કોણ ?
એવી રીતે સ્વર્ગનું લાઈવ ટેલીકાસ્ટ કરશે કોણ ?