પ્રેમ શું છે ?
પ્રેમ શું છે ?
શબ્દોમાં વર્ણવી ના શકાય એવી લાગણી છે પ્રેમ,
પુરી ના થવાની હોય છતા કરાતી માંગણી છે પ્રેમ,
હસાવતી અને રડાવતી વિશેષ અનુભૂતિ છે પ્રેમ,
મનથી મનને મળતી રહે એ સહાનુભૂતિ છે પ્રેમ,
જો સમજમાં આવી જાય, તો એક આસ છે પ્રેમ,
જો સમજમાં ના આવે તો માત્ર આભાસ છે પ્રેમ,
ના મળવાનું હોય એને જ પામવાની ઝંખના છે પ્રેમ,
આંખ રડે, પણ હોઠ મલકે એવી મીઠી વેદના છે પ્રેમ,
જાણે આ જીવનના આરણ્યમાં મળતું જળ છે પ્રેમ,
તપતા આ રણમાં આભાસ જેવો મૃગજળ છે પ્રેમ.