ધબકારા હૃદયનાં

પ્રીતના ટહુકા છે કે આ ધબકારા હૃદયનાં,

નામ તારું રટે છે સતત ધબકારા હૃદયનાં !

વાસંતી વાયરે યાદ એની અકળાવે ભીતર,

ને હૃદય જ ચૂકી જાય ધબકારા હૃદયનાં !

તું આવી જા પ્રિયતમ આવી જા પ્રિયતમ,

મૌન સાદ પાડી બોલાવે ધબકારા હૃદયનાં !

જંગલ આખું ચડી ગયું ખિલાવટનાં રવાડે,

ને મનમાં મુરઝાયા છે આ ધબકારા હૃદયનાં !

મઘમઘાટ આ વસંતનો ચડાવે કેફ એવો,

કે વગર નશે થાય બેહોશ ધબકારા હૃદયનાં !

એક "પરમ" ઋતુ પાંગરી રહી અવની ઉપર,

ને થાય "પાગલ" અમથા ધબકારા હૃદયનાં !