Click here for New Arrivals! Titles you should read this August.
Click here for New Arrivals! Titles you should read this August.

Urmila Patel

Romance Inspirational


2.8  

Urmila Patel

Romance Inspirational


મ્હોરી ઊઠ્યો પ્રેમ

મ્હોરી ઊઠ્યો પ્રેમ

1 min 20.6K 1 min 20.6K

તુજને પામું મુજ હૈયાની,

એક આખરી નેમ;

સપ્તપદીને પગલે-પગલે,

મ્હોરી ઊઠ્યો પ્રેમ.

પનઘટ જાતી પગદંડી પર,

પગલા તારા ગણવા;

ઊરનું પંખી મોર બનીને,

જાણે નીકળ્યું ચણવા;

અંતર ઊર્મિ આગળ દોડે,

પાછી વાળું કેમ?

સપ્તપદીને પગલે-પગલે

મ્હોરી ઊઠ્યો પ્રેમ..

શિયાળાના કૂણા તડકે,

ફૂલડાં થઈને ફરતો,

આંખલડીની મૌન વાત,

જઈ ઘરચોળાને કરતો;

આંખો મીંચી આભ અડાબીડ,

ઝુકે ધરા પર જેમ;

સપ્તપદીને પગલે-પગલે;

મ્હોરી ઊઠ્યો પ્રેમ.

મારી ભીતર તારા સમણે,

એકતારો ને મીરાં;

આંખ ખૂલે, તુજને ના નીરખું,

કાળજ પડતાં ચીરા;

સૃષ્ટિ આખી સાંવરીયો ને,

પડખે રાધા જેમ;

સપ્તપદીના પગલે-પગલે;

મ્હોરી ઉઠ્યો પ્રેમ.

વ્હાલપથી વીંટળાતી બાહોં;

અમી વરસતું જાણે,

રાબ, છાશ, કંસાર હોય જે,

જમશું એક જ ભાણે;

તારી સંગે જીવતર મારું,

સોળવલ્લું હો હેમ;

સપ્તપદીને પગલે-પગલે,

મ્હોરી ઊઠ્યો પ્રેમ.

જુદાઈ તારી અંગે-અંગે,

અગન તોપ થઈ ફૂટે;

મારૂં સપનું તારા ખોળે,

પ્રાણ દેહથી છૂટે;

તારા અંતરમનમાં ડૂબું,

મનને ફાવે તેમ;

સપ્તપદીને પગલે-પગલે;

મ્હોરી ઊઠ્યો પ્રેમ..


Rate this content
Log in

More gujarati poem from Urmila Patel

Similar gujarati poem from Romance