અમે મળ્યાં.....

ખિલતા ફૂલની કળીને જેમ સૂરજના કિરણો મળે તેમ,

એ મને મળ્યાં...

ડખડાયેલા જીવનને સીધા પાટે ચઢાવનાર 'રાહબર'ની જેમ,

એ મને મળ્યાં...

ઊભું હતું જીવન મારી રાહ જોઈ ને !

એ રાહમાં સાથ આપવા...

એ મને મળ્યાં...

વ્યસ્તતા, એકલતા, ને દુઃખની ક્ષણોને,

હળવાશમાં ફેરવવા,

એ મને મળ્યાં...

વેરવિખેર થયેલ કુટુંબ ને

એક કરવા, એ મને મળ્યાં...

પહેલા દિલ, પછી જીવનમાં અને પછી સાથી રૂપે પગલા પાડવા,

એ મને મળ્યાં...

અગ્નિની સાક્ષીએ સાથ નિભાવવાનાં વચન સાથે,

સાત ફેરા સાથે અમે મળ્યાં...

'અજય'માંથી 'જાની' થયો જયારે

એ મને મળ્યાં...

આગલા જનમની ખબર નહિ,

પણ આ જન્મે,

અમે મળ્યાં.