શું ફરી મળશે બાળપણ?

ખુલ્લાં રસ્તે ચપ્પલ વગર રખડવા, 

શું ફરી મળશે બાળપણ ?

બેગ નહિ પણ કાપડની થેલીમાં નિશાળના ચોપડા લઈ જવા, શું ફરી મળશે બાળપણ ?

મિત્રો સાથે એ ગિલ્લી - દંડો, લખોટી, સતોલીયું, માર દડી, માચીસની છાપો,

એવી બધી રમતો રમવા માટે,

શું ફરી મળશે બાળપણ ?

લીમડાના ઝાડ સાથે, ટાયરના ટ્યુબનો હીંચકો ખાવા,

શું ફરી મળશે બાળપણ ?

વરસાદના એ પાણીમાં કાગળની હોડી બનાવવા,

શું ફરી મળશે બાળપણ ?

સોટી વાગે ચમ ચમ અને વિદ્યા આવે ધમધમ એ સૂત્ર ને ચરિતાર્થ કરવા, શું ફરી મળશે બાળપણ ?

ટેકનોલોજીથી ભરેલા આ વ્યસ્ત જીવનમાં, 

ફરીથી એ નિરાંત ભર્યું જીવન જીવવા "અજય",

શું ફરી મળશે બાળપણ ?