વિરાસત

શબ્દોમાં ચણી લીધી છે અમે લાગણીઓની ઈલ્મી ઈમારત,

એક'દિ બનશે ધન્ય ધરોહર આ ભવ્ય વ્હાલપની વિરાસત !

અંતરથી ઉભરાઈને અમે આંખોથી પાયું છે પ્રેમ તણું વારિ,

જીવની જેમ કરી છે એ અણમોલ વિરાસતની હિફાજત !

શબ્દ આરાધના, શબ્દ બંદગી ને શબ્દ જ આરતી ધૂપ,

શબ્દ સહારે શૂન્ય થયો, ને થઈ અચાનક આ ઈબાદત !

દિલની દોલત આ શબ્દ તણી ખૂટશે નહિ ખર્ચતા કદીયે,

ન હો હયાતી કાલે મારી, પણ રહેશે કાયમી આ અમાનત !

"પરમ" ખજાનો શબ્દોનો ને આ વજૂદ એકાંતના આલમનું,

કરી રહી "પાગલ" પલ પલ મને પરમાત્માની આ વિરાસત !