ગઝલ- હું જોગી

મંચ પર ક્યાં પૂર્ણ ભજવાયો હતો હું,

કોઈને કયાં સાવ સમજાયો હતો હું,

જે મળ્યાં કિરદાર, એ ભજવી રહ્યો છું,

પાત્ર છું, દર પાત્ર બદલાયો હતો હું,

જીંદગી સંવાદ જેવી લાગતી'તી,

મૌનમાં પણ ક્યાંક પડઘાયો હતો,

કૈંક ઈચ્છાઓ ઉગે છે અસ્તતામાં,

રાતનો રંગીન પડછાયો હતો હું,

એ અદાકારી કરી ચાલ્યાં ગયાં'તા,

ને અદાઓ માં જ સપડાયો હતો હું,

ખેલ કેવો ખેલે છે આ ભાગ્ય મારૂ,

અધવચાળે આજ પડદાયો હતો હું,

પૂર્ણતાની દોટ આ "જોગી"ગજબ છે,

પ્હોંચતાની સાથ પછડાયો હતો હું.