એક પળ આવ બેસ
એક પળ આવ બેસ
1 min
13.6K
એક પળ આવ બેસ નવરો છું,
હું ય બદલું છુ વેશ નવરો છું,
લાલ લીલાં પીળા બુટા છાપું,
બાંધણા કાળામેશ નવરો છું,
ભાગ્યને આમ પળમાં પલટાવું,
હું જ મારો દરવેશ નવરો છું,
મન ઉડી જાય, પંખીઓ સાથે,
દેશ શું, શું વિદેશ નવરો છું,
આજ લીંબુની જેમ નીચોડુ,
મનથી એ રાગદ્રેષ નવરો છું,
મુંઝવણ જયાં સ્વયં મુંઝાતી હો,
ખેડીએ એ પ્રદેશ નવરો છું,
ચાલ મન સંતવાણી સાંભળવા,
ધર્મના ઓઢી ખેસ નવરો છું,
મૌન છે આજ ખીલેલી સંધ્યા,
એ જ ઉંબર એ નેશ નવરો છું,
લ્યો ખિજાયા હવાને પરપોટા,
શીદ મારે છે ઠેસ નવરો છું.