તારા સંસ્મરણોના ફૂલો

તારા સંસ્મરણોના ફૂલોને દર્દના છંટકાવથી તાજા રાખું છું

એમ કરીને આ હ્રદયના ખાલીપામાં એક હું વસંત રાખું છું

તારા મિલનની થઈ ઈચ્છા ને કૂંપળ ફૂટી નીકળી કેવી સુંદર

એમ કરીને આ હ્રદયમાં પ્રેમને તારા બસ હું જીવંત રાખું છું

મદહોશ મને કરે છે તને અડકીને આવતી પવન કેવી સુંદર

એમ કરીને આ હ્રદયના એકાંતમાં યાદો હું અનંત રાખું છું,

એકાંતી ક્ષણોમાં હૈયે શબ્દોની સરવાણી નીકળી કેવી સુંદર

એમ કરીને આ હ્રદયમાં આ કવિતા તારી હું જીવંત રાખું છું

લખી મેં તારા નામથી મારા અસ્તિત્વની કવિતા કેવી સુંદર

એમ કરીને આ હ્રદયમાં એક ઉદાસીને હું અનંત રાખું છું

આ તારા વિરહની પીડા પણ મને જો લાગે છે કેવી સુંદર

એમ કરીને આ હ્રદયમાં સંઘરેલા દર્દોનો હું ખંત રાખું છું

તારા સંસ્મરણોના ફૂલોને દર્દના છંટકાવથી તાજા રાખું છું

એમ કરીને નિલ હ્રદયમાં છંદોથી તને હું જીવંત રાખું છું.