જીંદગી ના આ કેવા સફરમાં છું

જીંદગી ના આ કેવા સફરમાં છું

ફરું છું બધે છતાં હું ઘર માં છું

અસલીયત કૈક ની જોઈ લીધી

રહું છું મૌન કેવી અસર માં છું

સાચવીને રાખ્યો છે હજી જમીર

તેથી જ આજ હું ખબર માં છું

છળે છે મંઝીલ મૃગજળ બની

કોણ જાણે હું કેવી ડગર માં છું

શાને હું તારી મહેફિલમાં આવ્યો

રક્તવત અહીં હર ખંજર માં છું

ક્યારેક તો જુઓ મારી દશા ને !

હું આમ શાને હવે કહર માં છું ?

જીંદગી ના આ કેવા સફરમાં છું

ફરું છું બધે છતાં હું ઘર માં છું.