હર ગઝલના શે'રમાં...
હર ગઝલના શે'રમાં...
હું સતત બળતો રહું છું હર ગઝલના શે'રમાં,
થઈ જખમ કળતો રહું છું હર ગઝલના શે'રમાં.
તું ઊગી છે જ્યારથી મારા મહીં શબ્દો બની,
રાત દિન ઢળતો રહું છું હર ગઝલના શે'રમાં.
જાત સાથે વાત કરવાની મજા કંઇ ઓર છે,
હું મને મળતો રહું છું હર ગઝલના શે'રમાં.
તું મળી છે ત્યારથી અજવાશ જીવનમાં ભળ્યો,
રોજ ઝળહળતો રહું છું હર ગઝલના શે'રમાં.
ભીતરે આનંદની છોળો ઊડે જ્યારે લખું,
કેટલું રળતો રહું છું હર ગઝલના શેર'માં !