વાસી મળેલાં ભાત છે
વાસી મળેલાં ભાત છે
1 min
13.7K
'જિંદગીનું આભ કાળું થઇ ગયું' - એ વાત છે;
થાય છે હરપળ તબાહી, રોજ ઉલ્કાપાત છે.
સૂર્ય સાથે કાશ જીવનમાં ઊગે અજવાશ પણ,
ભાગ્યમાં તો એકલી બસ ઘોર કાળી રાત છે.
આપ માંગો ફૂલ, ફળ, લીલોતરી પણ શું કરું ?
પાનખરના બાગમાં મારી ઊગેલી જાત છે.
આયખું પેઢું બનીને હર વખત છોલાય છે,
છે કડક ભોજન અને મોંમાં તૂટેલા દાંત છે.
કોઈ દિ' ભાળી નથી, એ ઝૂંપડીએ દાળને,
એક મુઠ્ઠી ભીખમાં વાસી મળેલાં ભાત છે