ના કદી છાપી શકો?
ના કદી છાપી શકો?
1 min
13.6K
છે તમારો હરતરફ વિસ્તાર, ના પામી શકો,
તરબતર છું કેટલો હું, એ નહીં માપી શકો.
આપ તો અખબારમાં કંટક બિછાવો છો સદા,
ફૂલ શી નાજુક કૂંપળ ના કદી છાપી શકો?
થઈ જશે ચારે તરફ લીલોતરી લીલોતરી,
છે શરત બસ- 'પ્રેમનાં જો બીજ ને વાવી શકો'.
વ્યક્ત થાશે આપમેળે-'જાત ઓગાળો કદી',
આપ, કેવળ પ્રેમમાં ગુલાબને આપી શકો.
લોકશાહી છે અહીં,તો વાત તો થાશે રજૂ,
નાગરિક છું, આ રીતે કૈ વાત ના કાપી શકો.