આગમન

અણધાર્યા આગમનથી નેણ અમારા ખીલ્યા,

ને આ પતઝડની જમીનમાં ઉપવન સિંચ્યા,

આપજો એની સુગંધને મ્હેકવા જીવતરની હૂંફ,

એ રહેશે સુવાસિત જ્યાં સુધી છે શ્વાસની શૈયાં,

 

પામીશું ભવેભવનું સુખ એક જીવનમાં પ્રીતમ,

જોજે ખીલી ઊઠશે એકમેકનાં સહવાસથી હૈયાં,

મધદરિયે ઘુઘવાતા સાગરની બીક હવે કોને છે ?

તારા સંગાથે મજબૂત થઈ છે હવે જીવનની નૈયા,

હરખ રેલાયું એવું મીઠું ને મધુર કે ના પૂછો કોઈ !

સોનુ હૃદય આજ નાચે છે તાલ સંગ તા તા થૈયા.