લાડકવાયો
લાડકવાયો
અંધકારભરી રાત ને થોડો પ્રકાશ આવ્યો
દુઃખમય જિંદગીમાં એક લાડકવાયો આવ્યો,
મારતા'તા મે'ણા કે આ વાંઝિયણ આવી,
ઈશ્વર કૃપાથી એક દિવસ લાડકવાયો આવ્યો,
ઘણી ઘણી માનતા મંદિરોએ દર્શને જાતી,
વ્રત ઉપવાસ ફળ્યા ને લાડકવાયો આવ્યો,
ગણેશજી જેવા મોટા કાન ને નાક છે લાંબુ,
હસતા હસતા કહે 'માં' તારો લાડકવાયો આવ્યો,
દુનિયાની રીત કેવી ? ટીકાઓ ટીપ્પણીઓની !
કોઈ ને દુઃખી 'ના' કરશો, શુભ ગણેશ આવ્યો..
આજ લાભપાંચમે દોડતો લાડકવાયો આવ્યો,
શુભ અને લાભ સાથે માતાનો લાડકવાયો આવ્યો.