એ કોણ છે ?

ઊગતી ઉષા ને આથમતી સંધ્યામાં રંગો પૂરતું એ કોણ છે ?

હૃદયની ભીતરમાં આશાઓનાં દીપક પ્રગટાવતી ઉજાસ કરતું એ કોણ છે ?

લીલા પાન ને લાલ ફૂલો,

લીલા પાન ને આ ગુલાબી ફૂલો,

આ અદભુત રંગોનું મિશ્રણ કરતું,

ધરતી પર ચિત્રણ કરતું એ કોણ છે ?

ઘડીક દુઃખ તો ઘડીક સુખ

ઘડીક પાનખર તો ઘડીક વસંત,

આ રોજ અવનવું કરતું એ કોણ છે ?

ફૂલો પર ચુંબન કરતી ઝાકળ ને

મોકલનાર એ કોણ છે ?

અફાટ દરિયામાં ઘડીક ભરતી તો ઘડીક ઓટ

આપનાર એ કોણ છે ?

આ અજબ મળીઓ ગોઠવી શરીરમાં દુઃખ હૈયા ને થાય ને રડે આંખો

આવું અજબ ગજબ સર્જન કરનાર,

એ કોણ છે ?

પારિજાત ગુલાબ ને મોગરો જૂઈ ચમેલી ને ચંપો આ બધાને અલગ રંગો ને,

અલગ સુંગધ આપનાર,

એ કોણ છે ?