વા'લો મારો હિંચકે ઝૂલે રે લોલ

હીંચકો બાંધ્યો વડલાની ડાળે,

ને હિંચકો ચડ્યો ચગડોળે,

વા'લો મારો...

હીંચકો બાંધી રેશમી દોરી,

ને દોરી પર ટાંકી છે ઘૂઘરી,

વા'લો મારો...

હીંચકો લટકે છે લાલચટાક ફૂલ,

ને રૂપાળી રંગબેરંગી ઝૂલ,

વા'લો મારો...

હીંચકો શોભે છે હાથી-મોરલા, 

ને રૂડાં મોતીડાંરૂપી તારલા,

વા'લો મારો‌...

હીંચકો મઢેલા છે ઝગમગ ટીલડા,

ને ટીલડા લાગે છે રંગબેરંગી રૂડા,

 વા'લો મારો...

હિંચકો ઝૂલાવે વા'લાની માતા,

ને ભોજન જમાડે ગીતડાં ગાતા,

 વા'લો મારો,