એ શહીદોના સમર્પણની ગાથા

ઉજવાઈ રહ્યો છે આઝાદી અમૃત મહોત્સવ જ્યારે,

ને માણી રહ્યો છે દેશ આઝાદીનો આનંદ ત્યારે,

એ શહીદોના સમર્પણની....

જેણે માતૃભૂમિ કાજે આપ્યાં પોતાનાં પ્રાણ,

દુશ્મનો સામે લડ્યાં પણ થવા ન દીધી જાણ.

એ શહીદોના સમર્પણની....

જેમણે ખુલ્લાં આકાશ ને ધરતીને બનાવ્યું ઘર,

મને અડધી રાતે જાગીને દુશ્મનોનો કર્યો સંહાર,

એ શહીદોના સમર્પણની...

 

જેમણે દેશની પ્રજામાં દેશભક્તિ જગાવી,

ને હસતાં મુખે લાઠી સહી દુશ્મનોની હિંમત હરાવી,

એ શહીદોના સમર્પણની....

જેમણે પોતાનાં પરિવારનો ન કર્યો વિચાર,

ને હતાં હંમેશાં બલિદાન આપવા તૈયાર,

એ શહીદોના સમર્પણની....

જેમણે અનેકવાર વેઠી જેલની યાતના,

ને દેશ માટે ન્યોછાવર થઈ મેળવી નામનાં,

એ શહીદોના સમર્પણની....