થયું આગમન
થયું આગમન
શિયાળે થયું ગુલાબી ઠંડીનું આગમન,
ઠંડીમાં તાપણું કરવાની મજા !
ઉનાળે થયું ગરમ-ગરમ લૂ નું આગમન,
ઠંડો-ઠંડો શરબત પીવાની મજા !
ચોમાસે થયું મેહુલિયાનું આગમન,
વહેતા પાણીમાં છબછબિયાં કરવાની મજા !
ફાગણે થયું કેસૂડાનું આગમન,
રંગોથી હોળી ખેલવાની મજા !
વસંતે થયું નવાં પુષ્પોનું આગમન,
પુષ્પોની સુગંધ માણવાની મજા !
દરેક ઋતુએ થયું નવચેતનાનું આગમન,
ઋતુઓનો વૈભવ માણવાની મજા !